اسهل واطعم حلوى سريع بالشوفان والجوز هند بمكونات بسيطة وبدون فرن

اسهل واطعم حلوى سريع بالشوفان والجوز هند بمكونات بسيطة وبدون فرن

 

انا عاملة لكم من اسهل واسرع الوصفات وكمان والله اعلظيم مش هتصدقوا انى يبقى طعمها بالجمال ده ووعد منى طعمها خرافة وهم خيال مش قادرة اوصف وبمكونات بسطية وبدون فرن ووجع قلب ودى من اسرارى الحربية بس بالله عليكم ادعولى اخاوى ابنى ويرزق اخويا زوجه صالحة قريبا اوعوا تنسوا وبامانة كل اللى يعملها يقولى او يبعت صورتى يبقى يا هنايا يا انا

 

المقادير
3/4 كوب سكر او كوب الا شوية لو حد عايزها مسكرة
كوب لبن بودرة
كوب جوز هند
كوب شوفان
حليب مكثف محلى
للزينة
شيكولاتة خام او 2 شيكولاتة اى نوع كادبورى او اى نوع
2 م ك قشطة
م ص زبدة
الطريقة
توضع الشوفان واللبن البودرة والجوز هند والسكر فى طاسة وترفع على النار حتى تبقى لونها ذهبى مع التقليب المستمر

وبعدين نحط عليهم حليب مكثف محلى بالتدريج لغاية ما يتجانسوا مع بعض ويبقى عجينة وتعرفى تفرديهم زى فى الصورة كده وبعدين توزعى بالملعقة فى صينية بايركس

وبعدين تخلطى مقادير الزينة(تسيحى الشيكولاتة مع الزبدة وبعدين تضيفى القشطة) وتحطهم فوق طبقة الشوفان والجوز هند

وبعدين تزينى بخطوط من الحليب المكثف المحلى او حسب رغبتك وتوضع فى التلاجة مده اكتر من تلات ساعات حتى تتماسك او الفريزر لمدة نص ساعة او ساعة حتى تتماسك حتى تقسم بسهولة

وتقدم بالهنا والشفا