كحك العيـــــــــــــــــــد كل سنه وانتم طيبين

كحك العيـــــــــــــــــــد كل سنه وانتم طيبين

كحك العيـــــــــــــــــــد 
ان شاء الله يعجبكم
 المقادير 
 2 كيلو دقيق 4 وربع كوب سمنة قطعة خميرة صغيرة البلدى رشة ملح 3 معالق كبيرة سكر ربع كيلو سمسم 

 الطريقة 

نسيح السمنة على النار لحد ما تسخن كويس قوى وتكونى مجهزة طبق استانلس للعجن وحاطة فية الدقيق والسمسم وتنزلى بنص السمنة والنص التانى تسبية لحد ما تقلبى الدقيق مع السمنة بمعلقة خشب لحد ما الدقيق يتشرب السمنة وتحطى الخميرة بعد ما دوبتيها مع السكر وتفركية بايدك او تبسية يعنى اية تبسية يعنى تحطى شوية من الخليط على كف ايدك وتفركية بالكف التانى وبعدة كدة ننزل بباقى السمنة وتعجنيها زى اى عجينة وهتحتاجى شوية مية تعجنى وتحطى المية لحد ما تحسى ان العجينة خلاص بقت تمام العجينة المفروض تكون طرية ولينة بس مش سايحة

. بعد ماحطينا السمسم  

العجينة بقت بالشكل دة وادى شكل العجينة بعد ما اتعجنت وهنغطيها ونسيبها تخمر تقريبا ساعة او ساعة ونص  

وبعد ما خمرت نبتدى نشكلها كور صغيرة وتعملى فجوه للحشو وبعدين تلمى الكوره بايدك تانى بين راحه الكفين بدون ضغط عليها

 الحشو على حسب الرغبة ممكن ملبن ممكن عجوة انا مكنش عندى دة ولا دة عملت حشوة القرفة بتاعت السنابون وطلعت تحتفة لدرجة انى قررت اعمل بيها على طول واستغنى عن الملبن والعجوة بعد كدة والحشوة هى معلقتين زبدة نص كوباية سكر خشن 4 معالق دقيق معلقة عسل ابيض معلقتين قرفة وتعجنيهم كويس بالمضرب اليدوى وتحشى بيها وتنقشى الكحكة بالمنقاش 

 وبعد ما تشكليها ترصيها على الصوانى الى هتسوى فيها من غير دهان وتسبيها تخمر وترتاح قيمة نص ساعة كمان 

 وبعد كدة ندخلها فرن متوسط الحرارة ولما يطلع ترشى علية السكر المطحون وهو سخن

 ويارب يكون نال اعجابكم وتبقى الخطوات مبسطه وسهله وبالهنا والشفا :)